Il Piccolo Re dei Fiori (O pequeno rei das flores) TEATRALIA

En 1995, a artista e ilustradora checa Květa Pacovská sacou á luz unha fermosa historia ilustrada: Il Piccolo Re Dei Fiori (O pequeno rei das flores). A historia ten unha estrutura clásica, pero aquí o rei é pequeno e curioso, vive só, coida o seu xardín e énchese os petos de bulbos de tulipán... e agarda... e tamén sente que lle falta algo. .

Pacovská morreu en febreiro do ano pasado aos 94 anos. Dous anos antes, dous pesos pesados da escena italiana e europea, o Balletto di Roma e o Teatro Gioco Vita, fixeran unha adaptación escénica desta historia ilustrada. A posta en escena, brillantemente executada por dous bailaríns-actores, fusiona danza e teatro de sombras, obxectos e proxeccións de gran formato que recrean as ilustracións de Pacovská, cuxa obra plástica se caracteriza por un uso expansivo e xeneroso da cor. Con moi poucas palabras, pero cun rico tecido musical, dáse vida a unha historia que podería dicirse que fala esencialmente, dun xeito lixeiro e poético, da procura da felicidade. Con esta obra, Teatralia quere render homenaxe ao que sen dúbida é un dos grandes referentes da literatura infantil contemporánea.